Ana María Shua
| Ana María Shua | |
|---|---|
 | |
| Ganwyd | 22 Ebrill 1951, 1951  Buenos Aires |
| Dinasyddiaeth |  Yr Ariannin |
| Alma mater |
|
| Galwedigaeth | ysgrifennwr, sgriptiwr |
| Cyflogwr |
|
| Adnabyddus am | La muerte como efecto secundario |
| Arddull | ffuglen |
| Gwobr/au | Cymrodoriaeth Guggenheim |
| Gwefan | http://www.anamariashua.com.ar/ |
Awdures doreithiog o'r Ariannin yw Ana María Shua (ganwyd 22 Ebrill 1951) sy'n cael ei hystyried yn nodigedig am ei gwaith fel bardd a sgriptiwr.[1]
Mae ei gwaith wedi'i gyfieithu i lawer o ieithoedd, gan gynnwys Saesneg, Ffrangeg, Almaeneg, Eidaleg, Portiwgaleg, Iseldireg, Swedeg, Coreeg, Siapanaeg, Bwlgareg a Serbeg. Mae ei straeon yn ymddangos mewn blodeugerddi ledled y byd. Derbyniodd nifer o wobrau cenedlaethol a rhyngwladol, gan gynnwys Cymrodoriaeth Guggenheim, ac mae'n un o brif awduron byw'r Ariannin. Yn adnabyddus iawn yn y byd Sbaeneg, caiff ei hadnabod ar ddwy ochr yr Iwerydd fel "Brenhines y Microstory".[1][2][3][4]
Addysg ac alltudiaeth[golygu | golygu cod]
Fe'i ganed yn Buenos Aires ar 22 Ebrill 1951. Cyhoeddodd ei chyfrol gyntaf, cyfrol o farddoniaeth o'r enw El sol y yo, yn 1967 pan oedd yn 15 oed, ac am ei thrafferth, derbyniodd y "Stribed Anrhydedd" gan Gymdeithas Awduron yr Ariannin. Wedi iddi adael yr ysgol mynychodd Golegio Nacional de Buenos Aires a Chyfadran Athroniaeth a'r Dyniaethau, Prifysgol Buenos Aires, lle derbyniodd Radd Meistr. Yn ystod unbennaeth milwrol diwethaf y wlad, hunan-alltudiodd i ffrainc, lle gweithiodd i'r cylchgrawn Sbaeneg Cambio 16.[5][6][7][8]
Ar ôl dychwelyd i'r Ariannin, cyhoeddodd ei nofel gyntaf, o'r enw Soy paciente, a hynny yn 1980; enillodd wobr gan gwmni cyhoeddi Losada am y nofel hon. Yn 1984, cyhoeddodd La sueñera, casgliad o ffuglen-micro. Mae hi wedi gweithio fel newyddiadurwr, cyhoeddwr, a sgriptiwr, gan addasu rhai o'i ysgrifau. Mae hi hefyd wedi ysgrifennu llyfrau i blant, a derbyniodd rai gwobrau rhyngwladol.
Ymhlith y gwaith pwysig a nodedig yr ysgrifennodd y mae: La muerte como efecto secundario.
Aelodaeth[golygu | golygu cod]
Bu'n aelod o Academia Norteamericana de la Lengua Española am rai blynyddoedd. [9]
Anrhydeddau[golygu | golygu cod]
- Dros y blynyddoedd, derbyniodd nifer o anrhydeddau, gan gynnwys: Cymrodoriaeth Guggenheim (1993)[10] .
Cyfeiriadau[golygu | golygu cod]
- ↑ 1.0 1.1 "Ana María Shua". Words Without Borders. Cyrchwyd 2015-10-28.
- ↑ "Ana María Shua - Imaginaria No. 31 - 9 de agosto de 1999". Imaginaria.com.ar. Cyrchwyd 2015-10-28.
- ↑ "The International Literary Quarterly". Interlitq.org. Archifwyd o'r gwreiddiol ar 2019-05-19. Cyrchwyd 2015-10-28.
- ↑ "Ana María Shua". Anamariashua.com.ar. Cyrchwyd 2015-10-28.
- ↑ Cyffredinol: http://data.bnf.fr/ark:/12148/cb12055785t. ffeil awdurdod y BnF. dyddiad cyrchiad: 10 Hydref 2015.
- ↑ Rhyw: Ffeil Awdurdodi Rhyngwladol. dyddiad cyrchiad: 4 Tachwedd 2018. Deutsche Nationalbibliothek; Staatsbibliothek zu Berlin; Bayerische Staatsbibliothek; Llyfrgell Genedlaethol Awstria (yn de), Gemeinsame Normdatei, Wikidata Q36578, https://gnd.network/, adalwyd 28 Ebrill 2014
- ↑ Dyddiad geni: Deutsche Nationalbibliothek; Staatsbibliothek zu Berlin; Bayerische Staatsbibliothek; Llyfrgell Genedlaethol Awstria (yn de), Gemeinsame Normdatei, Wikidata Q36578, https://gnd.network/, adalwyd 28 Ebrill 2014 "Ana Maria Shua". Cyrchwyd 9 Hydref 2017.
- ↑ Man geni: Deutsche Nationalbibliothek; Staatsbibliothek zu Berlin; Bayerische Staatsbibliothek; Llyfrgell Genedlaethol Awstria (yn de), Gemeinsame Normdatei, Wikidata Q36578, https://gnd.network/, adalwyd 15 Rhagfyr 2014
- ↑ Anrhydeddau: https://www.gf.org/fellows/all-fellows/ana-maria-shua/. dyddiad cyrchiad: 21 Rhagfyr 2020.
- ↑ https://www.gf.org/fellows/all-fellows/ana-maria-shua/. dyddiad cyrchiad: 21 Rhagfyr 2020.